Մահկանացուն է կնքել Արա Ալբերտի Գալստյանը

Խորն ափսոսանքով տեղեկացնում ենք, որ ս/թ ապրիլի 19-ին երկարատև հիվանդությունից հետո կյանքի 59-րդ տարում մահկանացուն է կնքել Երևանի Մխիթար Հերացու անվան պետական բժշկական համալսարանի մանկաբուժության թիվ 1 ամբիոնի դոցենտ, «Մուրացան» համալսարանական հիվանդանոցի կարդիոռևմատոլոգ, Էկոլոգիայի և կենսագործունեության անվտանգության միջազգային ակադեմիայի իսկական անդամ Արա Ալբերտի Գալստյանը:

Արա Գալստյանը մեծ ներդրում է ունեցել Հայաստանում կարդիոռևմատոլոգիայի զարգացման գործում: Ավելի քան 100 գիտական աշխատանքների հեղինակ է: Բժշկության, գիտության և կրթության ոլորտներում անգնահատելի ներդրում ունենալու համար 2010թ.-ին պարգևատրվել է ԵՊԲՀ Ոսկե մեդալով:

Երևանի Մխիթար Հերացու անվան պետական բժշկական համալսարանը խորին ցավակցություն է հայտնում Արա Գալստյանի հարազատներին և մտերիմներին՝ նրա մահվան կապակցությամբ:

Հարցեր, պատասխաններ, մեկնաբանություններ